Snooker champion Lalrina

1st Mizoram 6 Red Snooker Championship chu March 11-13, 2015 chhung khan Hawla Indoor Stadium-ah neih a ni a, final-ah Lalrina Renthlei-a'n a khingpui Peter Lalrintluanga chu 4-0 a hnehin a champion.

Player 30-in Mizoram Snooker Championship hi an khel a, double elimination round-in Race to 3 a khelh a ni.

Looser bracket leh winner bracket aṭangin mi pali ve vein top eight an lut a, an result chu a hnuaia tarlan ang hi a ni.

Lalrina Renthlei beat Robert Lalnunsiama (4-0)

Peter Lalrintluanga beat Charles H Thangliana (4-1)

PB Liansangzuala beat Lalchhandama (4-3)

K Lallawmkima beat Lalbiaksanga (4-1)

Semifinal aṭangin Race to 4 a khelh ṭan a ni a, semifinal result chu :

Peter Lalrintluanga beat PB Liansangzuala (4-1)

Lalrina Renthlei beat K Lallawmkima (4-1).

Final-ah winner bracket aṭanga tlang chho, World level-a India tana vawi engemaw zat lo feh chhuak tawh Lalrina leh a a mentor ṭhin Peter Lalrintluanga te an in tawng a. Game hmuhnawm tak entirin last frame-ah Lalrina'n clearance break (a khingpuiin a hawlh ve hmain a hawlh lut fai vek) a nei a, 4-0 a chakin a champion.