Demichelis-a'n contract pawtsei

Manchester City defender Martin Demichelis chuan 2015/16 season tawp thleng atan a contract a pawtsei.

Demichelis chuan, "Manchester City hi tum sang tak nei club an ni. Player zawng zawngin an duh chu cup chawi a ni a, he club-ah hian nomawi chawina chance a ṭha a ni," tiin a sawi.

Argentine defender chuan sawi chhun­zawmin, "Ka contract tawp thlengin club leh ka team-mate te tan theihtawp ka chhuah ang a, nomawi chawi ngei ka duh," a ti.

Demichelis hian September 2013 khan Atletico Madrid aṭangin pound maktaduai 4.2-in Manchester City hi a zawm. Kum 34-a upa defender hian a club tharah bul ṭan fuh lo mah se season liamtaa Premier League an champion ṭum khan captain Vincent Kompany nen tlar hnungah an in kawp fuh hle.