Game ruk chhung a zawna chak New Zealand

Nimin khan New Zealnd leh Bangladesh te'n ICC World Cup-2015 Pool A match an khel a, New Zealand in wicket thumin hnehna an chang.

Seddon Park, Hamilton-a inkhelah hian ṭhumvawrah New Zealand an vannei zawk a, fielding an thlang. Bangladesh in over 50-ah mi pasarih hloh in run 288 an vaw chhuak a, Mohammad Mah­mudullah chuan Bangla­desh tan ball 123 a hma­chhawnah run 128 vaw chhuakin a tawp thleng a dam. Bangladesh tan captain Shakib Al Hasan chuan run 55 chiah pe in wicket li lai a la.

New Zealand in an target umin over 48.5-an khel thleng tihin an umpha a, run 290 hlap chhuakin mi pasarih an hloh. New Zealand tana run siam hnem ber Martin Guptill chuan ball 100 a hmachhawnah run 105 a vaw chhuak. New Zealand-ah mimala che ṭha tam lo mah se, team game ṭha tak an khelh avangin chak zawkah an ṭang ta a ni.

New Zealand leh Bangla­desh hian super-eight an lut chiang tawh a, Pool A team aṭanga super eight lut tur hi chiang vek tawhin Sri Lanka leh Australia pawn super-eight an lut chiang tawh a ni.

Pool A match vawiin zing dar 9:00-ah Australia leh tla tawh Scotland te'n an khel ve leh dawn a ni.