England in chak result nen World Cup mangṭha

ICC World Cup 2015-ah England tla tawh mah se, an match hnuhnung berah chak lo a World Cup khar an duh lo a, wicket kua in Afghanistan lakah hnehna an chang.

Sydney Cricket Ground, Sydney-a inkhel­ah hian ṭhumvawra van­nei zawk England in fielding an thlang a, Afghanistan an bat hma­sa zawk. Afghan player-te'n over 36.2 an bat thleng hman tihin run 111 an vawchhuak a, mi pasarih an hloh. Over 50 khelh tur ni mah se ruah sur vangin inkhel hi tih tawi a ni.

Ruahsur tihbuai vangin DL method hman a ni a, England target hi DL method hman a nih hnuah 100 a ni. England in harsa lo takin over 18.1-ah ball 101 an vaw chhuak a, chak chungin World Cup an mangṭha ta a ni.

Vawiin zing dar 6:30-ah India in Zimbabwe an hmachhawn ve leh ang.