Bundesliga-ah substitution panga

German Football League (DFL) chuan 2020-21 season-ah pawh match khata substitution panga an hmang chhunzawm dawn a, Bundesliga leh 2. Bundesliga club ten an pawm.

Dan thar hi squad nei chhah Bayern Munich ten an hlawkpui dawn a, Bavarians hian tawnhriat nei ṭha leh kum la naupang player an ngah avangin Hansi Flick tan team rem a awlsam sawt ang.

Bayern hian season tharah Michael Cuisance, Corentin Tolisso, Lucas Hernandez, Jerome Boateng leh Tanguy Nianzou te chhawr tam an tum lo a, amaherwhchu dan thar hian heng player-te hi khelhna chance a pe tam thei ang.

Chutiang bawkin player naupang zawk Bright Arrey-Mbi, Joshua Zirkzee, Chris Richards, Fiete Arp leh Jamal Musiala te tan senior team khelhna hun a inhawng tam thei dawn.

Bayern Munich hian season liam ta khan Champions League, Bundesliga leh DFB Pokal-ah an champion vek a, Hansi Flick-a hote tan season tharah humhim an tum dawn a, Bundesliga-in substitution panga an hmang hi chanchin lawmawm a ni dawn. Premier League lamah erawh club duh dan angin football dan pangngai angin substitution pathum hman a ni leh tawh ang.