Australia-ah Mercedes an chungnung

Formula One 2015 season chu Pathianni khan Australia, Melbourne-ah tlan ṭan a ni a, Mercedes team an chungnung.

World champion nilai British driver Lewis Hamilton chu pakhatna a ni a, a teammate Nico Rosberg chu pahnihna a ni. Grand Prix hmasa bera che ṭha pahnih hian qualifying-a an chet ṭha an chhunzawm.

Ferrari-in beisei ang ngeiin hma an sawn a, Sebastian Vettel chu pathum­na a ni. Ferrari driver hlui Felipe Massa chu palinaah a thleng ve bawk. Force India team pawhin point an hlawh chhuak nghal a, Nico Hulkenberg chu pasarih naah thlengin a team-mate Sergio Perez chu sawmnaah a thleng bawk.

Australian Grand Prix-ah khaw awm dan danglam thutin intlan­siakah nghawng nasa tak a nei a, driver 18 tlan zingah 11 chauh an tlan tluan thei a, driver pasarih te chuan intlansiak an tlan tluan thei lo. Driver tlan tluan thei zingah Mc Laren driver Jenson Button chu point hmu lo awmchhun a ni.