Djokovic leh Murray chak zel

Pathianni zing khan World number one Novak Djokovic chuan Indian Wells second round-ah Marcos Baghdatis chu awlsam takin a hneh.

Top seed Serbian Djo­kovic hian inkhelah har­satna a tawk lo a, minute 26 chhung lekin set khatna chu 6-1 in a la nghal a. Set hnihna pawh 6-3 in a la chhun zawm nghal bawk. Kum 29-a upa Baghdatis hian World number one hi a khan lo hle.

Djokovic chuan, "Ka khel ṭha takzetin ka hria, ka service a ṭhain ka taima a, ka khingpui tan hmun awl ka siamsak lo a ni," tiin a sawi.

British no. One kum 27-a upa Andy Murray pawhin second round-ah harsatna ala tawk lo a, a khingpui Vasek Pospisil chu 6-1, 6-3 in awlsam tak­in a hneh a BNP Paribas Open Indian Wells-ah third round a in vaw tling bawk.

Hmeichhe lamah chuan

Second seed Maria Sha­rapova chuan Yanina Wickmayer chu 6-1, 7-5 in a hneh a, fifth seeded Serb Ana Ivanovic chuan Yulia Putintseva chu 6-3, 6-1, in a lo hneh ve bawk.

Inkhel dangah fourth seed Caroline Wozniacki chuan harsa takin Ons Jabeur chu 7-6 (7/3), 6-4 in a hneh hram.