United-ah Di Maria kan hmu zel dawn - Van Gaal

Manchester United manager Louis van Gaal-a sawi danin season tharah Angel di Maria chu United player a la ni zel dawn.

British record fee-a lak luh Di Maria hi pound maktaduai 59.7 man a ni a, field chhungah beisei anga a chet ṭhat loh bakah FA Cup quarterfinal-a Arsenal an hneh loh ṭum­in insum theih loh vanga hnawhchhuah a ni.

Van Gaal chuan, "United-ah a cham zel ka ring. Kan chak loh zawh leh red card a hmuh zawha a khawsa zia a ṭha a, Manchester nuam a ti bawk," tiin Di Maria chungchang a sawi.

Dutch manager chuan sawi zelin, "Glazers nen kan inbia a, anmahni vanga United enkawl thei hi ka ni. Ka hmuh dan chuan United ka enkawl danah hian an lawmin ka hria," tiin United neitu Glazer chhungkua nena an inkar ṭhat thu a sawi.