Bologna-in Hickey an hnaih

Serie A club Bologna chuan European football-a rawlthar ngaihven hlawh ber pawl Aaron Hickey lakluh tumin Bayern Munich an tlan khalh a, Scottish club Hearts defender hi pound maktaduai 1.5-in an dawr niin an sawi. 

Kum 18 mi leftback lakluh tum hian Bayern chuan Hearts hi an lo dawr tawh a, mahse official takin an ngamna erawh an la sawi lo - German champion chet hmain Bologna an che ta zawk. 

Bologna hian Hickey hi an first team tana khel turin an duh a, Bayern erawhin an lalut a nih chuan German third division lama inlan an reserve team tan an khelhtir phawt ang. 

Hearts hotunu Ann Budge chuan, "European club pakhat aṭangin dawrna mumal tak pakhat chu a awm tawh. Hickey hi chhuak lo tura ka duh thu amah leh a agent ka hrilh tawh a, mahse anmahni berin chhuah an duh chuan kei chuan sawi theih ka nei lo a ni," tiin a sawi.