Awlsam takin Australia an chak

Inrinni khan ICC World Cup 2015 Pool A match-ah Australia chuan tla tawh Scotland chu awlsam takin wicket sarihin an hneh.

Bellerive Oval, Hobart-a inkhelah hian ṭhumvawra vannei zawk Australia in vawm hmasak an thlang.

Scotland-in an daih rei lo a, over 25.4-ah run 130 vawchhuakin an vaiin an out fai vek. Austra­lia tan kum 25-a upa fast bowler Mitchell Starc-a che ṭha a, run 14 chiah pein wicket li a la thei a ni.

Australia-in an target run 131 an um a, over 15.2-ah run 133 vawchhuakin wicket pathum chiah an hloh a, an chak ta a ni.