Dortmund an chak zo lo

Inrinni zan khan Borussia Dortmund chuan Bundesliga-ah an mikhual Cologne an lo hneh zo lo a, goal lut lo in 0-0 in an ṭin.

Signal-Iduna-Park -a inkhelah hian Dortmund in khel ṭha zawk chungin goal an khung thei lo a, an chance neih tam tak an chhawr ṭangkai lo. Jurgen Klopp-a nau te hian tunhnai match hnih chhung chu goal an khung tawh lo a ni.

Dortmund hi tun season Bundesliga-ah an che chhe hle a, tun hnaiah harhtharna an chang.

Bundesliga match li chhung hneh loh nei loa an kal hnuin Dortmund hian an khingpuite a zawnin match hnih chhung an draw leh tawh a, Cologne hma hian Hamburger SV chu goal awm lo bawkin an lo draw tawh a ni.