Van Gaal-a'n City a khei

Manchester United manager Louis van Gaal chuan champion lai Manchester City chu palina inchuh zingah an tel thu a sawi.

Tottenham Hotspurs hneh zawhah Dutch manager a hlim a, ṭawngkam a duhtui lo nghal. Van Gaal chuan, "City hian an duh emaw duh lo emaw palina inchuh zingah an tel. Tih theih an nei lo," tiin an hmelma City chungchang a sawi.

Premier League-ah City-in point 58 hmuin table-ah pahnihna an ni a, United aia an tamna hi point hnih chiah a ni a, an inkarah Arsenal an la awm bawk. Hmahruaitu Chelsea-in point 64 an hmu tawh a, point 51 hmu tawh pangana Liverpool-in nizan khan Swansea City an hmachhawn a, Dutch manager thusawi h a dikna chen a tam hle.

Van Gaal chuan Spurs nena an inkhel chungchang sawiin, "Hun rei tak chhung khatiang a chak kha kan châk tawh a ni. Team ṭha tak lakah game ṭha tak kan khel a, kan khelh ṭhat ber ṭum a ni em tih erawh ka chiang lo," tiin a sawi.