Ka la inkhel thei hi ka lawm - Matic

Chelsea midfielder Nemanja Matic chuan Ashley Barnes-a'n hlauh­awm taka a tlawh hnu a hliam na tak tuar loa a inkhelh chhun­zawm thei kha a lawmawm in a vanneih thu a sawi.

Thla hmasa Burnley leh Chelsea te Premier League-a an inkhel ṭum khan Burnley striker Barnes hian Serbian international Matic hi hlauhawm takin a tlawh a, mahse vanneih thlak takin Chelsea midfielder hian hliam a tuar lo hlauh a nih kha.

Matic chuan kha thilthleng khan a tihhaluhthawn em avangin a tlawhtu Barnes-a chu um zui in a hnunglam aṭangin a nam tlu a, hnawhchhuah a ni zui bawk. Bulṭantu Burnley striker erawh a chungah thununna lekkawh a ni ve lo thung.

Matic chuan, "Tun hnua video ka enlet hian kha hun a ka inhliam lo kha ka vanneih zia ka hmu thar leh a ni. Ka ke kha chhe vek thei dinhmunah a ding hman kha a ni a, mahse tun thleng a ka la inkhel chhunzawm thei hi a lawm awm hle. Ka thiltih kha thil dik chu a ni hauh lo a mah se ka tan chuan insum kha a har ve em a tin ni. ka thiltih kha erawh chu a mawi lo in a zia lo khawp mai, thleng nawn tawh lo se ka duh," tiin a sawi.