Poyet thlaktu tur Dick Advocaat

Sunderland chuan an manager ban tak Gus Poyet thlak turin Dutch manager Dick Advocaat an la lut.

Dutch journalist Arno Vermeulen chuan BBC Radio 5 live hnenah, "Pa ṭawng duh tak a nih avangin press chuan an lawm khawp ang," tiin Advocaat a chung­chang a sawi. Dutch manager hian season tawp thleng Black Cats hi a enkawl phawt ang a, a result a zirin a contract pawhsei sak a ni ang.

Advocaat chuan, "Bul ṭan vat vat a châkawm tawh khawp mai. Sunder­land hi club lian tak a ni a, kan hmaa chona awm hmachhawn hi a chakawm tawhin ka hria. Inrinnia kan inkhelh tur atan ngaihtuahna kan seng nghal ang," tiin a sawi.

Sunderland hian Inrinni hian table-a 10-naa awm mek West Ham United an hmachhawn dawn.

Kum 67-a upa Nether­lands manager hlui hi nikum November thla khan Serbia coach aṭangin a bang a, team enkawl a la nei lo. Dutch manager hian club hrang hrang Rangers, PSV Eindhoven leh Zenit St Petersburg te bakah ram paruk a enkawl tawh a, chung zingah chuan Netherlands, Belgium leh South Korea te an tel.