Gus Poyet dem suh u, Ellis Short hi Sunderland buaina chu a ni - Di Canio
Sunderland manager hlui Paolo Di Canio chuan manager Gus Poyet ni loin club neitu Ellis Short chu Black Cats chet chhiatna chhana mawhphurtu a nih thu a sawi.
Di Canio chuan, "Poyet thiam loh a ni lo. Ellis Short hi buaina bul chu a ni. Sunderland hi tla thei dinhmuna an din laiin ka staff-te nen kan chhanhim a, kan hnathawh kha thil mak a tling. Season thar a ni a, team kalhmang thlak tumin zu rui leh tlai tak taka party-naa kalte chu pawisa kan chawi tir a, hei hi an tih ngai loh a ni," tiin club tana a hnathawh tawh dan a sawi.
Italian manager chuan sawi zelin, "Dressing room-a thuneihna lek kawh kha ka hna a ni a, mahse ka duh dan kha chung lam aṭanga tih tawp a ni a. Manager ka nih lai khan director pahnih khan player 16 zet an thlang a; player bakah director pahnihte chu club-ah awm tawh lo," tiin club enkawlnaa manager-te thu tawk loh thu a sawi.
Italian manager ṭawng duh ve tak Di Canio hian 2012-13 season-ah Sunderland chhanhim mah se a dawt chiah season-ah match ruk chiah a enkawl hman tihah ban a ni.