Moyes-a hote khualmual-ah an chak

Thawhṭanni zan khan Real Sociedad-in second half-a Inigo Martinez goal hmangin Getafe an hneh.

David Moyes-a enkawl Real Sociedad tan he chakna hi tun season-a khualmuala an vawi khat chakna chauh a ni. Getafe khelmual Coliseum Alfonso Perez-a Sociedad goal hi minute 66-naa Esteban Granero freekick Martinez tauh luh a ni.

Sociedad hian an match hnuhnung pali zinga pathumah hnehna an chang a, an hneh zingah season thara Champions League khelh phak inbeisei Sevilla an tel.

Moyes hian November thla aṭangin Sociedad hi a enkawl ṭan a, hetih hunlai hian Sociedad hi table-ah 15-naah awmin tunah hian 10-naah an awm chho tawh.