Ferrari nen kan inel dawn - Hamilton

Mercedes driver Lewis Hamilton chuan tun season-ah Ferrari team nen an inel ngei a rin thu a sawi.

Pathianni khan For­mula One 2015 season chu Australia-ah an tlan ṭan a, Mercedes team an chungnung hle.

World champion nilai Hamilton hi pakhatna a ni a, pahnina chu a teammate Nico Rosberg a ni. Pathumnaah Ferrari driver Sebastian Vettel a thleng ve bawk.

Qualifying-ah khan Ferrari-in driver-te hi 1.4 seconds chauhin an tlan muang a, intlansiak takah pawh Vettel leh Hamilton inthlauhna hi second 30 vel chauh a ni.

Season hmasa a che chhe tak Ferrari team-in dinhmun ṭha an rawn chan ṭan leh tak avang hian British driver hian Ferrari team hmasawnna hi a hmuh hmaih lo a, an elpui ber turte zinga min an nih thu a sawi a ni.

Kum 30-a upa Ha­milton chuan, "Ferrari hian kuminah hian hma an sawn dawn chiang khawp mai, hman deuh khan team ṭha leh chung­nung tak an ni ṭhin a, mahse tun hnaiah an talbuai deuh mai a ni. Ngaihthah theih an ni lo, na takin min nawr ngei ang tih ka ring. " tiin a sawi.