Barca ṭhatna Messi - Koeman

Southampton manager Ronaldo Koeman chuan Lionel Messi vangin Bar­celona chu dan theih an nih loh thu a sawi.

Argentina captain hian tun season inelna hrang hrangah match 39 khel tawhin goal 43 a khung tawh.

Koeman chuan, "Messi khelh ṭhat fuh ni a thlen chuan Barcelona hi dan theih an ni lo. Catalan club tan a theihna zawng zawngin a khel a, harsatna a siam ngai lo. Player dang ṭhat lohna chu sawi vak a theih a, Messi bikah chuan sawi tur a awm ve lo," a ti.

Barcelona hian Pa­thianni zan khian Real Madrid an mikhual dawn. El Classico chunchang sawi­in Dutch manager chuan, "Barcelona hian harsat­na nei loin an chak chho leh ṭan tawh a, Real Madrid erawhin hahdam takin an chak thei lo thung. Chumai bakah Barca khel­muala inhmachhawn tur an nih avangin Real Madrid aiin Catalan club dinhmun hi a ṭha zawk.

Goal tam tak khung aiin chak ngai pawimawh hmasa se a ṭhain ka hria, goal khat leka an chak pawhin La Liga nomawi an hnaih sawt ang," tiin a sawi.