MFA-in Integrity Workshop a buatsaih

Mizoram Football Association chuan MPL Club-te leh Match Official-te tan August 23, Zirtawpni zan khan a vawi khatna atan Integrity Workshop a buatsaih.

Chanmari YMA Hall-ah programme hi nei a ni a, football ti hmel hem thei hrang hrang match fixing, doping leh racism lamah awareness inpek pahin a lo thlen palh a hmalak dan tur te inzirtirna hun hman a ni.

MFA sr vice president PC Vanlalhruaia'n workshop hi a kaihruai a, tun hnaia ruat thar MFA integrity officer C. Lalmalsawma, MPS leh MFA honorary secretary Lalrengpuia, ten hun an hmang a ni.

MFA Executive committee member Andrew Lalremkima kaihhruainain sawihona hun hman a ni. Hemi rual hian ruihtheihthil laka fihlim pawimawhzia leh hemi kawnga hriat tur pawimawh hrang hrangte Vanlalhruaii, Facilitator, Social Welfare & Tribal Affairs Dept aṭangin ngaihthlak a ni bawk.

MPL11-a match official bakah club pariat aṭangin player, coaching staff leh club official-te workshop-ah hian an tel a ni.