Bangladesh-in Pakistan an hneh

Bangladesh-in Test match-a a vawi khat nan Pakistan an hneh. August 21-25, 2024 chhung khan Test match vawi hnih khelh tura hmasa zawk hi Rawalpindi Cricket Stadium, Pakistan-ah khelh a ni a, mikhual team hi wicket 10-in an chak.

Shaheens hian bat hmasain bul an ṭan ṭha a, first innings-ah 448/6 runs an siam laiin chak beiseiin an duhtawk (declare). Mahse, Bangladesh tan Mushfiqur Rahim-a'n 191 runs a siam zarah 565 runs an siam a, first innings zawhah mikhual team dinhmun a ṭha ta zawk.

Second innings-ah Pakistan an chesual zui a, 146 runs siamin an thi fai vek. Bangladesh tan hnehna chang turin 30 runs chauh siam a ngai a, wicket hlohin an chak. Bangladesh hian Test match-a Pakistan an vawi khat hnehna an ni a, an ram cricket tan mellung pawimawh a ni. Tigers hian South Africa leh India erawh Test match-ah an la hneh ngai lo.