Spurs hmaah Foxes

Pathianni zan dar 7:45 hian Premier League-a palina nih inbeisei pahnih Tottenham Hotspur leh Leicester City te London-ah an inkhel dawn. Spurs hian league match hnuhnung pasariha vawi ngaah hnehna changin vawi hnih an chak lo.

Tottenham hi Liver-pool hneh lo zo hlim an ni a, Jose Mourinho chuan, "Kan inhnehtawk ṭep a ni lo a, kan chak teuh zawk. Chance ṭha kan hlah a, kan khelh dan thlirin chak loh hi a na hle a ni," tiin a sawi. 

Spurs hian Reds an hneh loh avangin table hmahruaitu an ni tawh lo a, Leicester City pawhin Everton an hneh bik lo. Brendan Rodgers chuan, "Kan chak loh dan hriatthiam a har hle," tiin chak an phu thu a sawi ve bawk.

Tottenham-in player pawimawh an chhawr thei dawn a, Leicester City pawhin Jonny Evans an chhawr leh thei dawn a, Timothy Castagne pawh a rawn let theih a beiseiawm bawk.