Six run manto vawtu Kevin O'Brien

Ireland all-rounder Kevin O'Brien chuan-a six run vuak chhuah hmangin a car darthlalang a vaw fuh a, a chhe vek - O'Brien hian a club khelhna Leinster Lightning tan six run vawi riat zet a vaw chhuak a, a six run vuak chhuah zinga mi hian a car hnung lam darthlalang a deng fuh ta a ni. 

O'Brien hian ball 37 lekah run 82 zet vaw chhuakin Ireland-a inelna Test Triangle Inter-Provincial Series-a inkhelah a team hi North-West Warriors lakah run 24-in hnehna a chanpui a ni. Kum 36 mi batsman hi a vuak nat vanga hriat hlawh a ni hrim hrim a, World Cup 2011-ah khan England an hmachhawn ṭumin ball 50-ah run 100 vaw chhuakin World Cup-a century siam rang ber record a siam a ni - he inkhelah hian run 113-a siam a, England target siam run 327 zet chu an umphak theih phah.