Boxing-a India aiawh tur Justin M. Lalthlamuanpuia

Asian Sub Junior Boxing Championship-a India aiawh turin Justin M. Lalthanpuia thlan a ni a, vawiin hian Bengaluru aṭangin inelna neihna hmun UAE an pan ang. Inelna hi August 27 - September 10, 2024 chhung hian Abu Dhabi-ah neih a ni dawn.

Hmingsawilaia fapa Justin hian 45-48 kg huangah inelna hi a hmachhawn dawn. North Vanalaiphai rawlthar Justin hian Mizoram state level-ah district-ah gold medal a la tawh a, kum 2022 aṭang khan Sports Authority of India Extention, Lungleiah senior coach Lalfakzuala enkawlna hnuaiah a awm a. Kumin May khan Assam Regiment Army Boy's Training Centre Shillong a zawm.

Coach Faka leh R.Lalbiaksangi SYS boxing coach te hruaina hnuaiah kumin March khan Sub Junior National Boxing Championship, Noida (Uttar Pradesh)-ah Mizoram tan gold medal a hnek chhuak. April khan inpuahchahna hmasa neiin India camp a zawm a, tun thlatir khan tun ṭuma inelna an hmachhawn tur atan hian India camp hi a zawm leh a ni.