Vawiin aṭangin CYMA Chess

Central YMA leh Mizoram Chess Association buatsaih LBS Suzuki 5th Inter Branch YMA Chess Tournament 2024 chu vawiin aṭangin R. Dengṭhnuama Indoor Stadium, Mualpuiah khelh ṭan a ni dawn.

CYMA Chess-ah hian branch 26 an tel a, team inelna a ni dawn. Inelna hi Swiss System for Teams hmanga round 7 khelh tur a ni. Ni chhungin inelna hi zawh fel tur a ni a, vawiin leh inelna tawp ni August 29, Ninganiah round hnih khelh a ni ang a, August 28, Nilainiah round thum khelh a ni ang.

CYMA Chess hi a vawi ngana tur a ni a, inelna hnuhnung ber chu kum 2019 daih tawh kha niin Khatla an champion. Chutihrualin kum 2021 khan CYMA buaipui thoin Inter Branch YMA Online Chess Championship neih a ni a, Online hmanga Chess inelnaah hian Rahsi Veng chu pakhatna an ni thung.