Marseille tan Greenwood

Manchester United forward hlui Mason Greenwood chuan Marseille tan hun tawp dawn lamah goal a khung a, a club thar hi point khat a hlawhchhuahpui a ni.

Pathianni zan Ligue 1 inkhelah mualneitu Marseille hian Amine Harit hmangin goal nei hmasa mah se, mikhual lamin Sergio Akieme leh Yaya Fofana te hmangin an chhanglet.

Marseille hi tlawm mai thei dinhmuna an din laiin Greenwood chuan goal a rawn khung a, point an hlawh chhuak. English player hian an match hmasa zawka Brest an hneh ṭum pawhin goal hnih a lo khung tawh bawk.

Tun season Ligue 1 match hnih an khel tawh a, champion lai Paris Saint Germain, Lille, AS Monaco leh Lens ten point ruk an hmu a, hnuaiah point li neitu Marseille hi an awm.