City Football Group-in club lei leh tawh

Premier League club hausa Manchester City neitu City Football Group chuan club an lei belh leh tawh a, French club Troyes AC-ah share tam zawk an lei - French sumdawng hausa Maxime Ray chuan share a nei ve bawk. 

CFG chief executive Ferran Soriano chuan, "French football hi hun rei tak chhung kan thli thlai tawh a, Troyes hi rei tak chhung chu kan lo ngaina tawh a ni," tiin Ligue 2 club an lei chhan a sawi. 

Troyes hian Covid-19 vanga French football tihtawp a nih khan Ligue 1-ah palina dinhmun an luah a, an club chanchina an record ropui ber chu kum 2001-a UEFA Intertoto Cup champion an nih kha a ni. 

City hian Indian Super League club Mumbai City-ah share an nei bawk a, tun season hi Mumbai club-in CFG nen inzawmna an neih hnua ISL-a an season hmasa ber tur a ni ang.