Rins leh Marquez chungnung

Pathianni zana tlan zawh tak Aragon MotoGP-ah Alex Rins chu a hmasa berah a thleng a, a hnungah Alex Marquez a thleng. Tun season intlansiak 10 awm tawh aṭangin mihrang pariat ngawtin hnehna an chang tawh.

Covid-19 vangin inelna hi a kalphung pangngai angin a kal thei lo, tun kar tawpah hian a hmun ngaiah inelna an nei leh dawn. Hri leng vanga chawl mek Valentino Rossi a inlan thei dawn em tih erawh a la chiang lo.

Season tir lam inelna pahniha chak thei Fabio Quartararo a che fuh lo, 18-naah daih a thleng. Championship table lamah Joan Mir-a'n point 121 hmuin a chung berah a awm a, a hnungah hian point 115 hmutu Quartararo a awm thung.