Rayo Vallecano-ah Rodriguez a kal

Colombia captain James Rodriguez chuan La Liga a khel leh dawn - Rayo Vallecano chu man nei loin a zawm a, a contract rei zawng leh a hlawh zat tur erawh tarlan a ni rih lo thung.

Kum 33 mi Rodriguez hian tun hmain Real Madrid tan a lo khel tawh ṭhin, Spanish club lian tan hian 2014-2020 chhung khan match 125 a lo khelhsak tawh a, tawnhriat a nei ṭha.

Colombia tana match 106 kheltu Rodriguez hian Copa America khelh zawh takah khan an ram chu final a thlenpui a, nomawi inchuhna inkhelah Argentina an ngam lo thung.

Real Madrid tana a khelh hnuah club hrang hrang tan a khel kual a, beisei a phak lo ṭhin. Copa America-ah erawh player ṭha bik a nihna a takin a lantir leh thei a, tunah chuan chona thar a hmachhawn dawn a ni.

Vallecano hian an La Liga match hnih an khelh tawhah point li an hmu a, nizan khan Barcelona nen inkhelin an result erawh kan hre hman lo.