Nadal leh Federer te'n last 16 an lut

Indian Wells khelh mekah inelnaa ṭum li champion tawh Roger Federer leh seeded number three Rafael Nadal ten third round-ah an khingpui hneh ve vein last 16 an in vaw tling.

Roger Federer chuan Australian Open-a a hneh loh Andreas Seppi lakah phuba lain 6-3, 6-4 in a khingpui hi a hneh. Last 16-ah world number 58 Jack Sock nen an inkhel leh ang.

Federer chuan, "Inkhel awlsam tak a ni lo, Seppi hi player ṭha tak a nih avangin ani nen a inkhelh hi a nuam in a hautak ṭhin. Round sang zawk ka thleng thei hi a ka lawm hle," tiin a sawi.

He tournament a ṭum thum champion lo ni tawh Spanish Nadal pawhin American Donald Young chu 6-4, 6-2 in a hneh. Nadal hian last 16-ah France Gilles Simon a hmachhawn ang.

Nadal chuan, "Ka chak avangin inrintawkna ka neih belh sauh mai. Thlakhat leh a chave liamta a ka dinhmun nen khaikhin chuan tunah chuan ka ṭha tawh hle. Ka nihna ang takin ka khel leh thein ṭan tawh a ni," tiin a sawi.

Inkhel dangah seeded parukna Milos Raonic chuan Alexandr Dolgopolov, chu 7-6 (2), 6-4 in a hneh a, seeded number 11 Grigor Dimitrov chu seeded 17-na Tommy Robredo lakah 6-4, 1-6, 7-5 in a chak lo.

Hmeichhe lamah Serena Wi­lliams chaun set khat a hloh hnuah 6-7 (7-3) 6-2 6-2 in a khing­pui Sloane Stephens hnehin quarter-final a in vaw tling. British number one Heather Watson-i'n quarter-final luh a beiseina erawh Spain Carla Suarez Navarro in a tih tawp sak. Navarro hian 7-6 (7-5) 3-6 6-1 in Watson hi a hneh a ni.