FIFA ranking hniam ber an chak
Thawhlehni zana FIFA World Cup pre qualifier khelhah khawvela ranking hniam ber Bhutan-in an khingpui Sri Lanka chu aggregate-ah 3-1 in an hneh.
FIFA ranking 209-na Bhutan-in Colombo-ah Sri Lanka 1-0 in an hneh a, vanneih vanga chaka ngaih an ni. Amaherawhchu Thimphu-a second leg khelhah 'The Ronaldo of Bhutan' hming lem an vuah Chencho Gyeltshen goal hnih hmangin Nepal 2-1 in an chak a, 2018 World Cup an hnaih sawt.
Inkhel dangah 185-na East Timor-in an hnuaia awm 195-na Mongolia chu aggregate-ah 5-1 in an hneh a, Cambodia (181st)-in Macau (187th) chu aggregate-ah 4-1 in an hneh. Chinese Taipei (188th) first leg-ah Brunei (198th) hneh lo mah se second leg-ah 2-0 in an chak a, aggregate-ah 2-1 in an chak.
Pakistan (170th) leh Yemen (175th) inkhel tur erawh Taliban-in Lahore khawpuia biak in an beih avangin inkhelh hun sawn a ni a, neutral ground-a khelh tura ruahman a ni.