AFC Cup Bengaluru an chak, East Bengal an tlawm
Thawhlehni zan khan Asia ram club-te inlena sang ber dawttu AFC Cup khelh a ni a. I League champion Bengaluru-in Singapore club Warriors FC an hneh a, East Bengal erawhin khual khuaah Singapore club Balestie Khalsa an hneh lo.
Bengaluru an chak
Sree Kanteerava Stadium, Bengaluru-ah Bengaluru FC-in Maziya Sports & Recreation Club an hneh tawh a, Warrior FC an hneh chhunzawm leh bawk avangin point ruk hmuin Group E-ah pahnihnaah an awm.
Bengaluru hian India team tana koh Robin Singh, Sunil Chhetri leh Eugeneson Lyngdoh te an chhawr thei lo avangin starting eleven tih danglam a ṭul a, Australian forward Sean Rooney kawppui turin CK Vineeth a lut, midfield-ah Mizo tlangval Bekhokhei Beingaichho a pawimawh chhunzawm zel a, tlar hnungah Mizo tlangval Lalchhuanmawia (defender) leh Lalthuammawia Ralte (keeper) te an inlan bawk.
Minute 35-naah Bengaluru forward Vineeth-a'n penalty a hlawhchhuak a, Joshua Walker-a'n goal-ah chantirin chakna goal a ni zui bawk. I League champion point thum hlawhchhuahna kawngah keeper Lalthuammawia a che ṭha a, Champhai tlangval hian Warrior goal khung tur ṭum thum a dang.
East Bengal an tlawm
Jalan Besar Stadium, Singapore-ah East Bengal-in India tana khel Lalrindika Ralte an hruai tel thei lo a, Mizo tlangval pahnih Robert Lalthlamuana leh S. Malsawmtluanga te erawhin starting eleven an chang a, Khawzawl tlangval Robert hi captain a ni.
Kolkata club-in inkhelh ṭan tirha an tlar hnung rem phui loh an tuar a, minute 20 chhung lekin goal hnih an chhuah tawh. Balestier tan Jonathan Xu-a'n minute ruknaah goal hmahruai a khung a, minute 19-naah Kristic-a'n goal hnihna a khung leh bawk. East Bengal-in sut tumin nawr let mah se minute 82-naa Dudu Omagbemi goal khat bak goal dang an khung thei lo.
Thlirna Tawi
Group E
Maziya 1 - 2 Persipura
Bengaluru 1 - 0 Warriors
April 14, Thawhlehni
Persipura 2:00 PM Maziya
Warriors 5:00 PM Bengaluru
April 28, Thawhlehni
Persipura 2:00 PM Warriors
Maziya 4:30 PM Bengaluru
# Team Pld W D L GF GA GD Pts
1 Persipura 3 3 0 0 8 3 5 9
2 Bengaluru 3 2 0 1 4 4 0 6
3 Maziya 3 1 0 2 4 4 0 3
4 Warriors 3 0 0 3 1 6 -5 0
Group F
Balestier Khalsa 2 - 1 East Bengal
Kitchee 2 - 0 Darul Takzim
April 14, Thawhlehni
East Bengal 6:00 PM Balestier Khalsa
Darul Takzim 6:15 PM Kitchee
April 28, Thawhlehni
Balestier Khalsa 5:00 PM Kitchee
East Bengal 6:00 PM Darul Takzim
# Team Pld W D L GF GA GD Pts
1 Kitchee 3 2 1 0 6 1 5 7
2 Darul Takzim 3 2 0 1 5 3 2 6
3 Balestier Khalsa 3 1 0 2 2 5 -3 3
4 East Bengal 3 0 1 2 3 7 -4 1