Australia tum hunah kan buai lo ang - Misbah

Pakistan captain Misbah-ul-Haq chuan Australia nena World Cup quarter-final an khelh hunah Pakistan chu an buai loh tur thu sawi in A buai tur zawk chu Australia an nih thu a sawi.

Kum 40-a upa Misbah chuan, "Ireland nen Quarter-final luh inchuha kan inkhelh khan kan hlauthawng em em a, a chhan chu mipui in chak tur chiang sa a min dah vek vang a ni. Australia kan khelh hunah erawh mipuiin min thlir dan a dang vek dawn a, chak lo zawk tur a ngaih vek kan ni. Hei vang tak hian keini chuan hlauthawng lo in kan khel dawn a, Australia erawh brouak sang tak hnuaiah an khel dawn thung a, hei hi hman ṭangkai kan tum ang," a ti.

Misbah chuan World Cup-a champion tur khawpa an ṭhat thu sawiin an bowler te chet ṭhat ngawtah batsman te chu an innghah theih tawh loh thu sawiin an batsman-te chu che ṭha turin a fuih bawk.

Hetih lai hian Pakistan-in buaina an nei a, an bowler Mo­hammad Irfan chu a khel bawr hliam vangin World Cup aṭangin thawn haw a ni. Ft 7 leh inch 1-a sang Pakistan bowler hian World Cup match nga khel hman in wicket riat a la a, amah thlak tur hian Junaid Khan chu an koh rin a ni.

Pakistan leh Australia hi Zir­tawpni zing dar 9:00-ah World Cup semi-final luh inchuhin an inkhel ang.