El Classico hi final tluk zeta pawimawh a ni - Suarez

Barcelona forward Luis Suarez chuan Pathianni zana Real Madrid nena an inhmachhawn tur chu final ang maia pawimawh a nih thu a sawi a, champion tur nemnghetna erawh a nih loh thu a sawi.

Suarez chuan, "Final a nihna chhan chu Real Madrid-Barcelona inkhelah chuan player-te'n an theihna zawng zawng an chhuah ṭhin. Chutihrualin La Liga hi inelna nung tak a ni a, team pahnih inkhel result aṭanga champion tur hriatna a ni lo," a ti.

Liverpool player hlui chuan Real Madrid chungchang sawi zuiin, "Real Madrid chu Real Madrid an ni a, a bak han sawi belh dan vak tur pawh a awm lo. Mi zawng zawngin midfielder leh forward an neih ṭhat zia an hria a, mahse tlar hnung erawh an chak lohna a ni," tiin a sawi.

Barca forward Suarez chuan, "Barcelona-in Real Madrid 5-0 a an hneh ṭum khan stadium-ah ka awm a, mipui lawm lutuk ka hmuh phei kha chu rilruah a thi thei lo," tiin El Classico boruak danglam zia a sawi.