Chanmari tan chak a pawimawh

LZ Juice MPL11-ah Chanmari FC-in hma an hruai mek a, vawiin tlai dar 3:00 hian RG Stadium-ah Ramhlun Athletic an hmachhawn dawn. Lalsangzuala Hmar hote hian Ramhlun hi 6-1 in sawp tawh mah se tun ṭuma an inkhelah hian an goal hi an chhawm tel dawn lo - point thum hmin sa a ni lo.

Chanmari hian Setpember 3, Thawhlehni aṭangin I League 3 an khel ṭan dawn a, MPL10 leh I League 3 an khel kawp dawn. Sanga hote hian point 19 an hmuh tawh avangin semifinal khelh pha tura ngaih chu an ni tawh a, mah se league champion ni tur chuan chetsual a thiang lo. Aizawl FC-in point hnih chauhin Chanmari hi an pha lo.

Chutihrualin Ramhlun Athletic tan semifinal khel pha turin point hloh a thiang tawh lo. Anni bakah Mizoram Police leh Sihphir Venghlun ten point kua vek an hmu a, semifinal inchuh boruak a sang. Chanmari leh Aizawl FC ten semifinal an khel mai dawn a, hmun ruak pahnih hnawh khattu tur erawh hriatthiam a har hle.