Napoli-in McTominay an la

Scott McTominay chuan a inzir chhuahna Manchester United chhuahsanin Napoli a zawm dawn. Italian club hian Scottish midfielder lalut tur hian £25.4mtd vel an seng ang.

August thla tir khan United hian Fulham dilna £20mtd chu an hnawl a, kum 27 mi hian West Ham a hnar bawk. Erik Ten Hag-a'n McTominay hi 'home grown' player a nih avangin squad tih chak nan a pawimawh tih hre mah se Uruguay midfielder Manuel Ugarte tana hmunruak a siamsak a ṭul avangin a chhuahtir a ṭul ta a ni.

Man United hian McTominay hi Napoli-a medical nei tur leh contract ziah fel turin phalna an pe a, Scottish midfielder hian nimin khan a tawp nan Old Trafford a tlawh. McTominay bakah Romelu Lukaku pawhin Napoli a zawm dawn a, Belgium international striker hian nimin khan Naples hi thlengin mipuiin an lawm hle.