Torres-a'n contract ziak

Atletico Madrid striker Fernando Torres chuan a club hmangaiha kum khat dang cham chhunzawm leh turin contract thar a ziak.

Spain international hi Premier League club Liverpool leh Chelsea lama hun a hman hnuin Serie A club AC Milan-ah a kal a, 2015 khan Atletico-ah loan hmanga kir lehin tunah chuan Vicente Calderon-ah a nghetin a awm leh tawh dawn. Season hmasa khan match 44 a khelh aṭangin goal 12 a khung - Champions League final luh puiin Real Madrid an hneh lo a, La Liga-ah pathumna an ni bawk.

Kum 32-a upa Torres contract neih lai chu kar hmasa khan a tawp tawh a, tunah kum khat daih a ziah leh tak avang hian kar hmasa lawka contract ziak thar France international An-toine Griezmann nen Atletico hmatawng an nih chhunzawm leh dawn a ni.

Atletico sporting director Jose Luis Cami-nero chuan kum 11 mi chauh a nih laia an lakluh Torres chungchang sawiin, "Fernando kan hnena a awm chhunzawm tur hi mi zawng zawng tan chanchin lawmawm a ni a, kan academy chhuak a nih avangin he club chanchin hi a hrechiang a, player dangte entawntlak a nih bakah zirtirtu pawi-mawh a ni bawk," a ti.