Leicester player manto ber tur Musa

Premier League cham-pion Leicester City chuan CSKA Moscow aṭangin Ahmed Musa an lalut dawn tih Nigeria forward agent Tony Harris chuan a puang.

Kum 23-a upa Musa hian 2012 khan CSKA hi a zawm a, match 168 a khelh aṭangin goal 54 a khung tawh. Southampton, Everton leh West Ham te pawhin lakluh an duh nia sawi Musa man zat tur hi pound maktaduai 18 vel nia sawi a nih avangin Foxes-in an lalut a nih chuan an club chanchina an player man to ber a ni ang.

Tony Harris chuan, "Thil engkim peih fel a ni tawh a, Musa hian England-a medical test neih chiah a hmabak tawh," tiin a player-in Premier League a khelh ngei tur thu a sawi.

Nigeria international hian kum 2010 September thla khan Madagascar hmachhawnin an ram tana a match hmasa ber a khel a, match 58 khelh chhunzawm leh tawhin goal 11 a khung tawh bawk. 2014 World Cup Group F-ah Argentina 3-2 a an hneh loh ṭum khan goal hnih a khung a, Nigerian player zinga World Cup match khata goal hnih khung thei hmasa ber a ni.