PSG-in James an dawr lo

Paris Saint-Germain president Nasser Al-Khe--laifi chuan Real Ma--drid midfielder James Rodriguez nen in-biakna nei anga sawi an nih chu a pha a, Man-chester United nen pawha sawizawm hlawh Colombian mid-fielder hi an dawr loh thu a sawi.

Kum 24-a upa James hian season hman zawh takah khan beisei angin Real Madrid-ah hmun a chang tam tawk lo a, manager Zinedine Zi-dane-a kaihhruaina hnuaiah a tlak tlum loh lehzual avangin Colombia international hi Santiago Bernabeu chhuahsan tur anga sawi a ni.

PSG president chuan, "James nen indawrna nei tawh anga sawi kan ni thu dik lo a ni a, eng inbiakna mah kalpui a ni lo. James kan be lo a, Real Madrid pawh kan be lo," tiin June 2020 thleng Real-a contract nei attacking midfielder chu an dawr loh thu a sawi.

Hetihrual hian Al-Khelaifi chuan Argentine rawlthar beiseiawm Giovani Lo Celso an lakluh tur thu a puang a, kum 20-a upa attacking midfielder hi Juventus, Roma leh Napoli te pawhin lakluh tuma an lo dawr tawh a ni.

PSG hian coach thar Unai Emery kaihhruaina hnuaia khel turin play-maker Hatem Ben Arfa, midfielder Grzegorz Kry-chowiak leh defender Thomas Meunier te an lo lalut tawh bawk.