Del Bosque banna an pawm

Spanish Football Fe-deration (RFEF) chuan an coach Vicente del Bosque banna chu an ngaihtuah hnu-ah an pawm tih an puang.

FIFA World Cup leh Europen Championship-a Spain champion puitu Del Bosque hi major tournament a hmachhawn hnuhnung pahnihah beisei a phak lo a, Euro 2016 last 16-a Italy-in an pet thlak hnuah a hna a bansan tur thu a sawi.

July 4 khan Spain khaw--pui Madrid-ah RFEF president Angel Maria Villar leh national team coach Vicente del Bosque te hi an inhmu a, Real Madird coach hlui banna hi pawm a ni.

Maria Villar chuan Spain football tana Del Bosque hnathawh chu a ropui thu leh an ram foot-ball hmasawn theih nana tha la thawh chhunzawm turin a sawm a, eng hna thawk tur berin nge a sawm sawi lan ni lo mah se hun reilote chhungin tih chian beisei a ni thung.