Durant-a'n Golden State lam a hawi

Oklahoma City Thunder small forward Kevin Durant chuan NBA Western Conference champion Golden State Warriors a zawm dawn thu Thawhṭanni khan a sawi chhuak.

Kum 27-a upa Durant hi tunah chuan Rio Olympic-a inlan tur United States squad-ah a awm mek. NBA All-Star team-a vawi sarih ngawt an thlan tawh an lalut thei tur hi Golden State tan chanchin lawmawm a ni.

Regular season-a match 73 zet hnehna chang chunga NBA record thar siam thei GSW a zawm tur thu sawiin Durant chuan, "He thu hian mi tam tak a ti lungni lo ngeiin ka ring a, hetiang hre lawk chung leh ngaihtuah lawk vek chung hian Golden State Warriors ka pan dawn, thuthlukna dik niin ka hria," a ti.

Feet ruk leh inches kua zeta sang Durant hi 2014 NBA's MVP a ni a, 2016 NBA Finals-a Cleveland Cavaliers hneh lotu Warriors beiseina siamsak thei tur a nih beisei a ni.

NBA player insiksawi a ngaih--nawm a, kum 22 chauha upa a nih laia 2011 NBA Most Valuable Player Award dawng thei Derrick Rose chuan Chicago Bulls aṭangin New York Knicks lam a lo pan tawh bawk.