Wimblebon Royal Box-ah Beckham

Football a khelh thiam bakah khelmual pawn lama a hmingthan em avanga mipui hriat hlawh David Beckham chuan Royal Box aṭangin Andy Murray-a'n Wimbledon 2016 quarterfinal a lut lai a en.

Kum 1877 aṭanga khelh ṭan tawh The Championships, Wimble≠don a awlsam zawnga 'Wimbledon' an tih hi Grand Slam tournament palia zinga Grass Court-a an khelh awmchhun niin an khelhna hmunpui ber chu Centre Court a ni.

Centre Court-ah hian kum 1922 aṭang khan 'Royal Box' an siam ṭan tawh a, seat 74 awmin British lal chhungkua leh mi pawimawh bak≠ah sawm bikte ṭhutna hmun a ni. Sorkar mi pawimawh, tennis khaw≠vela mi hmingṭha, tournament sumdawnna lama thawhpui, British sipai, thuthar thehdarhtu hruaitu lian te bakah British tennis hmasawn theih nana thawhhlawk te an ṭhu tlang pui.

Royal box hmuna
ṭhu tur hi Championshipsí Organising Committee, The Lawn Tennis Asso≠ciation thurawn angin All England Club chairman chuan a sawm ṭhin. Helai hmuna ṭhu tur chuan incheina thlengin uluk a ngai a, organiser lamin an ei leh in tur an lo buatsaih sak ṭhin bawk.