Valencia-ah Nani a lut

Spanish La Liga club Valencia chuan Man-chester United winger hlui Nani chu Fenerbahce aṭangin pound maktaduai 7.2 in an lalut.

Kum 29-a upa Nani hian Old Traf-ford a chhuhsan hnu-ah kum thum cham turin Fenerbahce a pan a, mah se Tur-key-ah kum khat chauh hun a hmang hman tihah Spain lamah hian kum thum cham tur bawkin a kal leh ta zawk a ni.

La Liga club Valencia chuan, "Valencia leh Nani chuan kum thum chhung atan inremna an ziak fel ta," an ti.

Portugal international hi Euro 2016 khelin France-ah a awm mek a, nizan khan Wales nen semifinal an khel. Premier League club Stoke City pawhin lakluh tuma an ngaihven Nani hian semi-final an luh theih nan hian a thawhhlawk hle a, goal hnih a khung bakah a
ṭhainte goal khung tur vawi khat a siamsak tawh bawk.

Sporting Lisbon a-
ṭanga rawn chawr chhuak Nani hian Man United tan a khelh laiin league-ah vawi li a champion bakah Champions League nomawi a chawi a, season hmasa khan Fenerbahce tan match 46 khelin goal 12 a khung a, a club hi Turkish Super Lig-ah pa-hnihna a nih pui.