AC Milan-ah neitu thar

Italian club AC Milan neitu Silvio Berlusconi chuan a club chu Chinese sumdawng hausa hnena a hralchhuah thu a sawi a, a club leitu hming emaw company erawh a puang tel lo thung.

Italy prime minister ṭum li lai ni thei Berlusconi chuan a club chu pound maktaduai 220-a a hralh thu a puang a, a man zat hi kum hnih chhunga pek tlak tura ruahmanna siam a ni. Europe-a club ropui ber pawl ni ṭhin Milan hian nikum khan pound maktaduai 81.14 vel an hloh anga chhut a ni a, Berlusconi sawi ang hian an hralh a nih pawn a awm lo hran lo.

Berlusconi-a te chhung-kaw company Fininvest chuan Milan hi hralh tumin May thla khan Chinese sumdawng a hming tarlan loh chu inbiakna an lo neihpui tawh a, club neitu nihna 80% lei phawta a bang zawng hi a hnua lei leh tura ruahman a ni.

China-in football khaw--- vel a run mek zel a, Chinese Super League club-ten player langsar manto tak taka an lei rualin an sum-dawng hausa ten Euro-pean football sum hmang-in an run mek zel bawk.

Italian club tho Inter Milan chu thla hmasa khan Chinese electronics retailer Suning Commerce Group chuan neitu nihna an lo nei tawh a, Chinese sumdawng hausa Dr Tony Xia chuan Championship club Aston Villa chu pound maktaduai 76-in a lo lei tawh bawk a ni.