World Cup en man to dawn

2018 World Cup en man chu FIFA leh a thlengtu tur Russia Orga-nising Committee lamin an ti fel a ta a, ṭum dang zawng aiin inkhel en man a to dawn - World Cup hnu-hnung ber ai khan 16% velin a sang dawn a ni.

Russia rama World Cup inkhel en man to ber chu $1,100 (Rs 74,293.95) a ni dawn a, 2014 Brazil World Cup-a en man to ber $990 (Rs 66,864.55) aiin a sang ta hle. Hetih lai hian khawtual mi tan erawh a man tlawm deuh zawka lei tur a awm dawn thung.

Ticket-te hi nakkum nipui lai aṭanga zawrh chhuah ṭan tura ruahman a ni a, inkhel hmasa ber en man erawh tih pun loh tura ruahman a ni.

FIFA Secretary Gene-ral Fatma Samoura chuan, "Khawvel sum-dawnna che vel zirchiang chungin ticket man kan siam a, hei hi kan zavaiia ṭhat tlanna tur leh World Cup hlawhtling tak a nih theih nana beisei a ni," a ti.