Nadal-a'n Olympic khelh theih beisei

Grand Slam vawi 14 champion tawh Rafael Nadal chuan thlaleh maia neih tur Rio Olympic-ah inlan theih ngei a beisei thu a sawi chhuak.

Spanish Nadal hi May 27 hnulamah a la inkhel thei lo a, a inkhelh thiamna hmun French Open aṭanga a inhnuhdawh hnuah court chhungah a la inlan leh lo a ni.

Kum 30-a upa Nadal chuan, "Hmalam ka pan zel a, tunah chuan Olympic ka beisei ngam ve ta," tiin an ram tana medal lak a beisei thu a sawi.

Nadal-a kum 14 chauha upa a nih lai aṭanga lo enkawl tawhtu doctor Angel Ruiz-Cotorro chuan, "A taksa a dam chho mek a, tunah chuan a lo kir leh hun tur ruahman fel theih a ni thuai dawn," a ti.

2008 Beijing Olympic-ah khan Nadal hian gold medal a lo dawng tawh a, 2012 London Olympic-ah erawh a khup na vangin a inlan thei lo - kuminah erawh beisei a nei ve leh ta.