Euro kalphung thar a hlawhtling

Kumin aṭangin Euro-pean Championship inelna chu team 16 aṭang-in 24-ah tihpun a ni a, tournament director Martin Kallen chuan a hlawhltin avangin hmanchhoh zel a nih beisei thu a sawi.

Wales leh Iceland te chuan a vawi khan nan Europe inelna sang berah inlan mah se khawvel barakhaihin result ṭha an hlawh chhuak. Kallen chuan, "Heng ram pa-hnihah chuan football a lar sawt ang. Tuna an result avang hian naupang tam zawkin football an khel phah ang," tiin a sawi. Euro 2016-ah hian Northern Ireland, Albania leh Slovakia te chu a vawi khatna atan an inlan bawk.

Inelna kalphung sawi zuiin Kallen chuan, "Mi tam tak chuan kalphung thar hi a hlawhtlin an rin loh thu sawi mah se a hlawhtling tho. Team pahnihin thui tak an thleng a, an hmalam a êng zawngin an thlir a, result
ṭha an hlawh chhuak. Hei hi inelna buatsaihtu tan chan--chin ṭha a ni," tiin a fak.

Pathumna aṭanga ti-
ṭha paliin last 16 an luh ve theih avangin group stage a hmuhnawm loh phaha ngaitu an tam a, a dikna chen awm mah se he dan vang tho hian group F-a Austria, Hungary, Portugal leh Iceland te awmna chu match hnuhnung ber a ngaihnawm hle.

Kumina dan hman hi Euro 2020-ah an hmang leh dawn a, hemi hnu lamah pawh hian an hman chhoh zel a rinawm.