Bengaluru coach thar Barca assistant

Ashley Westwood nen an inṭhen hnuah Bengaluru chuan coach thar an nei ta a, an coach hi Barcelona assistant manager hlui Albert Roca niin Spanish manager hian kum hnih chhung atan contract a ziak.

Kum 53-a upa ma-nager hian Barcelona-ah Frank Rijkaard-a assistant hna thawkin 2003-2008 chhung Barcelona-ah hian assistant hna a thawk a, Dutch manager Rijkaard-a'n Galatasaray leh Saudi Arabia a zawm hnuah pawh Barca-a a pu hnung hi zuiin assistant manager a nih chhunzawm zel a ni.

Lionel Messi chher lian-tu zinga sawi tel ṭhin Roca hian nikum thleng khan El Salvador enkawl hna a thawk a, Bengaluru-a a hmabak hi a ko dawn hle. Ashley Westwood -a'n season thum chhungin South Indian club hi league nomawi pahnih bakah Federation Cup nomawi a chawipui a, Spanish manager tan Westwood-a sulhnu hnutchhiah chhun-zawm a awlsam dawn lo.

Roca hi player a nih lai chuan defender a khel ṭhin a ni a, a hun tam zawk hi Spanish second division-ah hmangin Zaragoza leh Sabadell-ah te a khel ṭhin a ni.