Atletico-ah rawlthar duhawm

La Liga club ṭha Atle--tico Madrid chuan Por-tuguese club Pacos de Fer^-reira aṭangin tunlai rawlthar duhawm an sawi zinga mi winger Diogo Jota an lalut.

Kum 19-a upa Jota hian Vicente Calderon-ah kum nga chhung cham turin contract a ziak a, a man zat hi euro maktaduai 7 nia tarlan a ni.

Season hmasa khan Jota hian league match 31 a khelh aṭangin goal 12 a khung a, 'Portuguese Primeira Liga young player of the month' atan ṭum hnih thlan a ni hial. Portugal tan kum bithliah inelna hrang hrangah inlan tawhin Rio Olympic-ah pawh an ram aiawha inlan ngei tura rin zinga mi a ni nghe nghe.

Atletico sporting director Jose Luis Perez Caminero chuan, "Jota hi a che rang a, ball a thiam bakah a tlan chak bawk," tiin an player thar lakah beiseina a nei sang hle.

Tun hnaiah Diego Simeone chuan player pali a nghetin a lakna a ni chiah a, Jota hma hian Nicolas Gaitan leh Sime Vrsaljko te a lo lalut tawh bawk.