Boro-ah Valdes kal dawn

Barcelona leh Man-ches-ter United keeper hlui Victor Valdes chu Premier League kai thar Middlesbrough nen sawi zawm mek a ni a, nimin khan medical test leh mimal inremna tifel hman tura ngaih a ni.

Kum 34-a upa Valdes hi Man United manager Louis van Gaal nen July 2015 khan an inhmu thiam lo a, Dutch manager hian a reserve team-ah pawh khelh tir duh loin amahin training a neih hran tir hial ṭhin. Spain keeper hi kumin July khan Old Trafford
aṭanga chhuah zalen niin club nghet a la nei rih lo.

Catalan club tana Cham-pions League nomawi vawi thum chawi tawhtu Valdes hian tawnhriat a ngah tawh avangin a club thar tan hian a ṭangkai theiin a rinawm. Boro hian squad tih chak belh an tum zel a, Fenerbahce aṭangin Arsenal striker hlui Robin van Persie pawh lakluh tumin an hel nia sawi a ni.