Lazio manager thar Bielsa

Italian club Lazio chuan season thar aṭang-a an manager ni turin Argentine manager Marcelo Bielsa an lalut a, kum 60-a upa ma-nager hian July 9 aṭangin a hna hi a zawm ṭan ang.

Lazio hian sea-son hman zawh takah khan pariatna ni-chung--in season an khar a, April-a an manager Stefano Pioli an ban hnuah coach mumal nei loa awm rengin Argentina manager pawh lo ni tawh Bielsa hi an lalut ta a ni.

Bielsa hian Argentina a enkawl chhungin kum 2004 Olympic-ah khan gold medal a lakpui a, kum 2010 World Cup khel turin Chile chu South Africa lamah a lo hruai thleng tawh bawk.

Kum 2012 khan Athletic Bilbao a enkawl laiin Europa League leh Copa del Rey final a hruai thleng a, Auguts 2015-a Marseille-a a manager nihna aṭanga a inhnuhdawh hnuah erawh club enkawl nei loin a awm reng thung.